Ndeni Lisley 
Rais Samia Suluhu Hassan imeitaka Sekta Binafsi nchini kuchangamkia fursa ya kujenga hoteli kwa ajili ya watalii.
Rais Samia amesema hayo wakati akifungua na kushiriki Mkutano wa 14 wa Baraza la Taifa la Biashara (TNBC) Ikulu, jijini Dar es Salaam.
“Wageni wanaokuja mwakani na mwaka unaofuata watakosa mahali pa kulala kama hatukuchangamka kwenye kujenga hoteli sasa hivi, sekta binafsi ni fursa muhimu” amesema Rais.
Amesema tafiti ndogo iliyofanyika inaonyesha kuwa wageni waliokuja mwaka jana ni asilimia 30 tuu wamerudi mwaka huu.
Amesema hii inaonesha kuwa Tanzania wageni wanakuja lakini hawataki kurudi pamoja na vivutio vilivyopo.
Ameitaka sekta ya utalii kuangalia kasoro zilizopo na kuzifanyia marekebisho ili wageni wawe wanarudi na kuwafanya wenzao kuja Tanzania.
